Hindi ko alam kung paano nagsimula ang lahat... basta't ang alam ko may nangyaring hindi maganda.


Boy: "Sorry na please..."


Girl: "Sorry mo mukha mo..."


















Boy: "Ano ka ba? Wala naman 'yon ah.."


Girl: "Anong wala? Wala ba 'yang nakalagay sa cellphone mo? May 'i love you' pa sya."


Boy: "Eh hindi naman ako nag 'i love you' sa kanya ah."



Bata pa ang lalaki. Nasa 19-20 siguro ang edad nya. May hitsura. Angat sa karaniwan. Malalim ang mata, makinis ang mukha, matangos ang ilong at manipis ang mga labi. Sa tindig at porma nya, mababanaag mo ang katauhan ng isang pabling.


Maganda rin naman si babae. Mahaba ang itim na buhok. Ma-amo ang matang nalulumbayan ng lungkot at pait.


Girl: “Ilang beses mo ba akong lolokohin?”


Halata ang pagpipigil sa pagpatak ng mga luha.


Boy: “Hindi naman kita niloloko.”


Girl: “Pero paulit-ulit na lang…”


Boy: “Babe….”


Hindi kumibo ang dilag. Lumapit ang binata at hinawakan ang kamay nito. Dagling inalis ng nasaktang kasintahan ang palad ng kanyang nobyo at nagwika…



Girl: “Pwede ba?!...”


Mataas ang kanyang boses…


“Sorry na please….” Ang sagot ng lalaki.... mag pagsusumamo... may pagpapakumbaba.


Girl: “Puro ka naman sorry. Tapos ginagawa mo uli…”


Boy: “Promise…hindi na….”


Halata ang sinseridad sa mukha ng binata. Walang duda ang pagsisisi…


Girl: “Pero.... napapagod na ako….”


Kahit hindi na sumagot ang binata, ang galaw ng katawan nila ay nagsusumigaw sa matinding hindi pagkakasunduan. Sobrang nasaktan ang dalaga. Nagsusumamo ang binata.


Akmang aakbayan ng binata ang dalaga... subalit umiwas ito...


Boy: "Babe..... please....."


Gusto ko mang subaybayan ang kahihinatnan ng kanilang unos na pinagdadaanan subalit hindi ko na magagawa.


Sapagkat pumailanlang na sa ere ang makapangyarihang tinig....



"We are now approaching AYALA STATION...."



Kailangan ko ng bumaba.



At kasabay sa pagbukas ng MRT.... iniwan ko silang dalawa...



Ofo, naganap ang mala-telenovelang drama sa loob ng MRT.



At ang hindot na mag-dyowa ay wapakers kahit more or less ay 50 kaming pasaherong nakatanghod sa real life lovers quarrel nila.


Haaayyy.... ano kaya ang naging ending?


Sana hindi na lang muna ako bumaba.


Choz.


:)