Nagbago Na Sha...
****
Alas tres ng hapon.
Kadarating ko lang ng bahay galing sa haus ng isang kapitbahay/friend.
Diretso ako sa kusina, kumuha ng isang basong tubig....
Nanay: "Nandyan ka na pala. Nagluto ako ng biko. Paborito mo. Gusto mo ipaghain kita?"
Me: "Busog pa ko eh. Kumain ako ng kutsinta kina Orlet."
Nanay: "Masarap ‘to. Hinaluan ko pa ng langka, maraming latik at malambot yung niyog gaya ng gusto mo."
Me: "Mamaya 'Nay, ako na lang kukuha dyan mamaya."
Nanay: "Bakit ba ayaw mo?"
Nagulat ako.
Me: "‘Nay, hindi sa ayaw ko, busog lang talaga ako."
At nataranta ako sa sumunod na eksena.
Biglang umiyak ang nanay.
Humagulgol.
Kinabog ang Maricel Drama Presents...
Nanay: "Hirap na hirap akong gumawa ng biko na paborito mo pero hindi mo naman pala kakainin! Ako pa ang nagkayod ng niyog nyan! Kung tutuusin hindi ko naman kailangang magluto ng biko pero dahil paborito mo 'yan, pinagtyagaan ko! Buti pa ang kutsinta ni Orlet napansin mo! Hu-hu-hu!"
Homaygash! Hanung drama itey. Lumingon ako sa paligid, baka may hidden camera. Wow Mali? Wala naman. Pero ang mga kapatid ko, nakatingin lang sa akin na parang sinisisi ako.
Futahkels...
I did not kill anybody!!!
Char.
Me: "O sige, kakaininin ko na po ang biko. Tahan na…"
Nanay: "‘Wag na!!!"
Huh? Nagalit. Ibang eksena na bah ito direk?
Sisa, ikaw ba ang nanay koh?
So.... ako si Basilio?
Homaygash!
Bakla si Basilio???
And where da hell is Crispin?
Char.
Nanay: "Kung kutsinta ni Orlet ang mas gusto mo, ‘yun na lang ang kainin mo!"
Punyetang kutsinta 'yan.
Nagulo ang tahimik kong mundo!
Dahan-dahan akong nag slice ng biko. Binudburan ko ng niyog at kinain.
Me: “Wow, sarap nga! Mas masarap pa sa kutsinta ni Orlet!”
Nanay: “Weeeh! Niloloko mo lang ako…”
Me: “Excuse me ‘Nay… ano naman ang mapapala ko kung lolokohin kita? Ibibigay mo ba sa 'kin ang titulo ng fishpond? Natikman mo na ba ang kutsinta ni Orlet? Pinagbigyan ko lang ang palakang 'yon dahil walang gustong kumain ng kutsinta nya.”
Napangiti si Nanay…
Nanay: “Masarap ba talaga?”
Me: “The best biko everlu… ang biko equivalent ng Krispy Kreme!”
Nanay: “Salamat ha…”
Me: “Salamat ‘Nay…”
Lapit naman ang mga kapatid kong judgmental.
Kuha sila ng kutsara at naki-kain ng biko.
Kanya-kanyang puri, wala namang originality.
Muling sumilay ang ngiti ni Nanay.
Doon ako nakaramdam ng lungkot… pero hindi ko ‘yon pinahalata.
Tama ang sabi ng doctor.
Eto na ang mga sintomas.
Nagbabago na sya.
Hindi na sya ang dati…
Pero kailangan naming tanggapin lahat.
Higit ngayon, kailangan nya ang aming suporta.
Dahil kami ang kanyang pamilya.
Kaya hindi namin sya hahayaang haraping mag-isa ang pagsubok na ‘to.
Karamay nya kami…
Habang sya’y….
….nagme-menopause.
****
Recent Comments